Cieciorkowe ajerkuchy ze miysym (Cieciorkowe naleśniki z mięsem)

Przijechała12 mie na bezuch3 moja Muter4 i niy dojś5, że musiała czekać na ôbiołd6 do wieczora, to jeszcze na talyrzu dostała wynołkwiane7 ajerkuchy. Przi jedzyniu porobiōła8 trocha minōw, ale pedziała9 na kōńcu, że dobre- po takyj recynzji mogecie10 zaryzykować.

Styknie11 do rychtowania12 ajerkuchōw dać inkszyj13 mōnki i już mołcie14 nowy smak- joł15 żech kaj16 kupiōł mōnka ze cieciorki i wyszły z tego wyraźne we smaku ajerkuchy. Do filowania17 miyso ze dodatkami i we niycałe pó18 godziny jedzynie mołcie na stole.

Co potrza?

Ajerkuchy:

20 dkg mōnki ze cieciorki

2 jajca

trocha soli

trocha jakego ôleju abo masła klarowanego

mlyko i woda- musicie dać tyla, żeby Wōm niy wyszło ani za gynste, ani za rzołdke ciasto

Do filowania:

500 g mielōnego miysa

połra pieczarek

2 zōmbki czosku

łeżka masła klarowanego

paczka kiełkōw na patelnia

200 ml śmietōnki (moge być 18%)

sōl i pieprz

łeżka zielōw prowansalskich

We misce wymiksujcie jajca, dodejcie19 do tego tak ze szklōnka mlyka, mōnka, ździebko soli i zajś20 wymiyszejcie. Jak baje21 za gynste,22 to dejcie trocha wody. Na patelnia kapnijcie ôleju, wlyjcie kelnia23 ciasta, rozlyjcie jōm rōwno po całyj patelni i uważejcie, żeby sie Wōm te ciasto niy przipołlōło. Jak ajerkuch baje przibrōnołcōny24 ze dwōch strōn, to go przeciepcie na jaki talyrz25 i niech poczeko chwila na filowanie26.

Na patelnia dejcie trocha masła klarowanego, zmielōne miyso, przeciśniynty czosnek, sōl, pieprz i leko27 przipiyczcie. Potyn28 wciepcie tam pokrajane pieczarki, kiełki i ziela prowansalske. Jak już pieczarki zmiynknōm, to wlyjcie śmiytōnka i bierymy sie za filowanie.

Do środka ajerkucha dejcie trocha farszu, ze dwa plastry syra, klapnijcie, podpiyczcie jeszcze leko ze obu strōn na patalni i biercie sie za jedzynie. Smacznego 🙂

1przyjechała

2ō- samogłoska w wymowie między o i u

3odwiedziny

4mama

5dość

6obiad; ô= ło

7udziwnione

8porobiła

9powiedziała

10możecie

11wystarczy

12przygotowywania

13innej

14macie

15ja

16gdzieś

17nadziewania

18pół

19dodajcie

20znów

21będzie

22gęste

23chochlę

24przypieczone

25talerz

26farsz

27lekko

28później

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*