Arōmatycznoł zōłza do nudli (Aromatyczny sos do makaronu)

Nudle prziszły dō1 nołs2 ze Włoch, ale terozki3 tak sie sam zadōmowiōły, że ciynżko sie wyforsztelować4, że ich sam5 niy ma. A że mie sie miyrznie6 warzynie7 tego samego, to cołki8 czas wynołkwiōm9 jake nowojści. Niyrołzki10 wyłajżōm11 tak dobre, że jednak musza zajś12 dō nich kedy prziś nazod13. Ta zōłza tak fajnie wōnio14 grzibōma i wyndzōnkōm15, że aże cieknie mi ślinka, jak to pisza.

Co potrza?

600-800 g mielōnego miysa (joł żech mioł wieprzowe ze cielyńcinōm)

100-150 g wyndzōnki

330 ml śmietōnki ( joł żech doł 30 %)

250 ml soku ze tōmatōw16 (joł mioł nawet taki swojski ôd Teściowyj, ale moge tyż być kupny, yno dejcie pozōr17, żeby bōł18 ze świyżych tōmatōw, a niy kōncyntratu)

połra suszōnych borowikōw

sōl i pieprz

2 łeżki majeranku

trocha natki pietruszki

mōnka do zagynszczynia zōłzy

Grziby umyjcie i wołrzcie19 10 minut we jakim małym gorczku20– wody styknie tyla, żeby yno je przikrōło. Na patelnia wciepcie21 pokrōnoł22 wyndzōnka, a jak sie trocha wytopi, to dociepcie23 tam miyso. Jak już miyso baje24 leko25 przibrōnołcōne26, to wlyjcie27 tam sok ze tōmatōw, woda, we ftoryj28 warzōły sie grziby, wciepcie pokrōne grziby i prziprawy. Tera niech sie to tak ze 10 minut powarzi. Niyskorzi29 dejcie tam śmiytōnka- pamiyntejcie, żeby jōm pryndzyj30 zahartować, nojlepi, jak wlejecie dō ni trocha zōłzy i zamiyszołcie. Keby Wōm sie nasza zōłza zdoła31 za rzołdkoł32, to mogecie jōm zagyńścić mōnkōm- łeżka abo dwie ôzpuśćcie33 we pó szlōnki zimnyj wody i wlyjcie do zōłzy. Terozki już yno ôstało nōm dosmakowanie34, ôblōnie uwarzōnych nudli i posypanie po wiyrchu35 natkōm pietruszki. Smacznego 🙂

1ō- w wymowie między o i u

2nas

3teraz

4wyobrazić

5tutaj

6nudzi

7gotowanie

8cały

9wymyślam

10czasami

11wychodzą

12znów

13wrócić

14pachnie

15wędzonym boczkiem

16pomidorów

17uważajcie

18był

19gotujcie

20garnuszku

21wrzućcie

22pokrojoną

23dorzućcie

24będzie

25lekko

26przypieczone

27wlejcie

28której

29później

30wcześniej

31wydała

32rzadka

33rozpuśćcie

34doprawienie do smaku

35górze

Post Author: klaudiuszkaufmann

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *