Torta łorzechowo-szokoladowoł ze apfylzinōm (Tort orzechowo-czekoladowy z nutką pomarańczy ;) )

 

Jak Wōm sie trefi jaki geburtstag[1], to takoł torta mołcie jak znaloz[2]. Niy powia, że niy ma z niōm[3] roboty, ale jak fajer[4], to fajer.

 

Co potrza?

 

6 jajcōw

100 g łorzechōw

50 g mōnki pszynny[5]

50 mōnki kartołflanyj

140 g cukru

10 g proszku do pieczynioł

1 apfylzina[6]

kapka wōdki

 

Kryjma:[7]

3 śmiytany 36% (po 200 g)

200 g szokolady (mogōm być 2 gorzke abo jedna takoł, a drugo mlyczno)

1 łeżka cukru pudru

1 śmietanfix- żeby nōm te dekoracje ze torty sie niy rozleciały

dżym apfylzinowy (pomarańczowy)- nojlepi taki ze skōrkami tych apfylzinōw, bo bydzie mioł tako fajno goryczka

 

 

Łozgrzyjcie sie piec na 165 stopni. Łoddzielcie biōłka łod żōłtek. Biōłka ubijcie (wciepcie tam tyż troszka soli). Pod kōniec wsujcie[8] tam tyż cuker. Cały czołs[9] miksujcie, ale na wolniyjszych łobrotach i wciepujcie żōłtka (ale niy wszyske na rołz[10]). Potyn[11] wsypcie do tego przesiōnoł mōnka, proszek i łorzechy, miksujcie (niy za szybko) i fertich[12]. Wylyjcie to do łokrōngłyj formy na torta- na dōł mogecie dać papiōr do pieczynioł. Chyba, że mołcie całoł silikōnowoł forma, to mogecie jōm yno trocha posmarować masłym. I jak już te ciasto je w ty[13] formie, to dejcie je do pieca na 40-45min.

Jak sie upiecze,  to wyciōngcie jōm z pieca, łobrōćcie do gōry dnym i ściepcie na stół z jakich 20 abo 30 cm i łostołwcie- niy baje nōm opadoł.

 

Apfylzina wyciście[14], tyn sok wlyjcie do gorka  i trocha odparujcie. Jak ochōdnie[15], to kapnijcie tam trocha wōdki.

 

Jak biszkopt ochōdnie- nojlepi sie go upiyc dziyń naprzōd[16]– wyciōngcie go ze formy i przekrejcie na 3 placki. Polyjcie je tym sokym, żeby fajnie nasiōnkły.

 

Rozpuście ta szokolada- w gorku abo misce, co byndzie nad wrzōntkym. 1 śmiytōnka ubijcie, dejcie dō ni[17] cuker puder i śmietanfix- łona bydzie do strojynia[18]. Dwie inksze[19] ubijcie i pomału[20] wlywejcie dō nich ta rozpuszczōnoł szokolada.

 

Placek na samym spodku[21] posmarujcie tym dżymym. Jakbyjście chcieli, to mogecie jeszcze na tym dżymie dać takoł ciynkoł warstwa tyj kryjmy z szokoladōm. Wciepcie na gōra drugi placek i posmarujcie tak porzōndnie szokoladowōm kryjmōm. Na to wciepcie łostatni placek. Gōra i boki posmarujcie tōm szokoladowōm kryjmōm- nojlepi wejście sie do tego taki srogi[22] nōż. Potyn sie wejście jako szprica[23], nałōżcie dō ni tyj biołyj ubityj śmiytany i pokołżcie swōj talynt[24]– powodzynia:)

 

[1] przytrafią jakieś urodziny

[2] znalazł

[3] nią

[4] uroczystość

[5] mąki pszennej

[6] pomarańcza

[7] krem

[8] wsypcie

[9] czas

[10] wszystkie na raz

[11] później

[12] gotowe

[13] tej

[14] wyciśnijcie

[15] ostudzi się

[16] dzień wcześniej

[17] do niej

[18] ozdabiania

[19] inne

[20] powoli

[21] na samym dole

[22] duży

[23] szpryca lub rękaw do ozdabiania

[24] talent

Torta łorzechowo-szekoladowoł

3 thoughts on “Torta łorzechowo-szokoladowoł ze apfylzinōm (Tort orzechowo-czekoladowy z nutką pomarańczy ;) )

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *