Krewetki ze szpinatym (Krewetki ze szpinakiem)

Szło by pedzieć1, że to sōm2 take krewetki choby3 po grecku, bo wciep4 żech tam tyż trocha fety. Z krewetkōma niy ma kans5 roboty, a do tego jeszcze sōm zdrowe. A szpinat… dlo niyftorych6 bajtli7 to taki trocha bebok8 i joł tyż musza pedzieć, że jak żech go kedyjś na jakyj stołōwce dostoł, to do […]

Krewetki ze wyndzōnkōm (Krewetki z wędzonym boczkiem)

Krewetki sie abo lubi, abo ich niy ciyrpi. Całe szczyńście my sie z mojōm1 Kobiytōm2 dobrze dobrali, bo rołz3 za jaki czas lubiymy wmōcić4 połny5 talyrz tych morskich chrobołkōw6 😉 Terozki je tako moda, że sie owoce morza łōnczy ze miysym, a że niftorzi niy umiōm sie wyforsztelować7 jedzynia bez smaku choby8 kōnska9 wyndzōnki10, to […]

Hiszpańskoł smażōnka (Tortilla de patatas)

Tak po prołwdzie, to niy je takoł richtig1 smażōnka, yno ōmlet, ale jakosik mi sie ta nazwa barzi spodobała. Żeby bōło jeszcze ciekawiyj, to żech sie te hiszpańske danie nauczōł robić we Francji. Tortilla [czyt.: tortija] ze kartołflōma2 je klasycznoł, bo rajn3 idzie tyż wciepōńć i wōszt4, i inksze warzywa. Robi sie to trocha dużyj5 […]

Francuski Ajntopf (Ratatouille/Ratatuj)

Tym daniym to żech sie piyrszy rołz zainteresowoł, jak żech łoglōndoł tako bajka, we ftoryj małe zwierzynta- co to normalnie ich niy lubiymy, ale we bajkach nawet ja- robiōły we restauracji za kuchorzy i narychtowały jednymu ważnymu chopowi właśnie take danie. Potyn żech pojechoł do Prowansji, a to właśnie stamtōnd pochodzi te danie i żech […]

Bananowy hańdyk na gibko (Bananowy indyk na szybko)

Czowiek leci gibko1 z roboty do dōm narychtować jaki mitag2, bo za chwila zajś moł jaki termin i co tu uwarzić? W gowie robiymy przeglōnd tego, co mōmy we lodōwce i okolicach… sōm jakeś banany… ,a moge by tak szczelić miyso ze bananōma?…, ze curry?…, to jeszcze szybko po miyso…, kura?…, niy…, hańdyk? Moge być…, […]

Karminadle cyganiōne (Klopsiki z grochu)

Pōnojś to niy je wcale take zdrowe, żeby durś1 jejś miyso i bez to (choby yno we piōntek) idzie sie wymyślić tyż co inkszego. Po zimie jeszcze możno Wōm łostało kajś2 w jakim szranczku3 trocha grochu, to sie mogecie zrobić take cyganiōne karminadle. Yno sie dejcie pozōr,4 jak we piōntek bajecie5 wołać Wasze bajtle6 na […]

Hekele (Śląska sałatka śledziowa- czasami w postaci pasty ;) )

Ło recept1 na hekele to sie mie sam niyftorzi2 pytali już połra3 miesiyncy tymu. Trocha czasu mi to wziyno, nim żech sie za to chyciōł. U mie w doma sie tego niy robioło, bo moja Muter niy znała tego ze swoji chałpy4– w tyj czyńści łopolskego tego niy znali. Ponojś5 hekele robiōła moja Ōłma ze […]

Karminadle jak dlo grołfa (Kotleciki hrabiowskie)

Łostatnio żech robiōł1 kans2 ajerkōniaku i inkszych kakaōwkōw, a jak byjście przesztudiyrowali3 te recepty,4 to zarozki byjście sie pomyśleli, co tyn borołk5 robi z tymi wszyskimi biołkami- przeca porzōndny Ślōnzok niy wyciepnie6 jedzynia, a świniōw ani inkszyj zwierzyny niy mōm. To żech sie pomyśloł, że trza tym wyfutrować dōmownikōw- bōłech wtedy u Teściowyj, a wiadomo, […]

Ożarto wołowina (Boeuf à la bourguignon ;) )

Uwarzynie tego dania je łatwiyjsze, niż napisanie łod niego nazwy po francusku, a jak już je rołz1 narychtujecie,2 to potyn bajecie3 co jakiś czas do niego wrołcać. Joł noprzōd sie tym zainteresowōł, jak żech oglōndoł film „July i Julia”- fto go niy widzioł, tyn musi to nadrobić. Potyn, jak my z mojōm Babōm4 zaprołszali na […]

Wodziōnka abo brōłtzupa (Śląska zupa chlebowa)

Niy ma chyba barzi ajnachowego1 jołdła do narychtowania,2 jak wodziōnka- chyba, że smażōnka3 abo sznita ze fetym.4 Pirwy5 zawsze sie jōm robiōło, jak sie miało trocha starego chleba, bo to przeca żołdyn6 niy bōł wtedy taki gupi, żeby go wyciepnōńć.7 Moja muter mi padała,8 że u nich- we staryj chałpie9– to moja Ōłma10 pikła we […]