Szinka ze suszōnymi tōmatami i octym balsamicznym (Szynka z suszonymi pomidorami i octem balsamicznym)


Warning: Undefined array key "sfsi_plus_mastodonIcon_order" in /home/klient.dhosting.pl/chopwkuchni/chopwkuchni.pl/wp-content/plugins/ultimate-social-media-plus/libs/sfsi_widget.php on line 1748

Bōłech ostatnio we Modenie we Italiji1, a właśnie tam rychtujōm2 słynny na cołkim świecie ocet balsamiczny: Aceto Balsamico di Modena. Czytołech, że Italoki3 czynsto bierōm go do rychtowania miysa i tak mie to zainspirowało, że napoczło sie wynŏkwianie4 😉 I tu mi tyż do rynki wleciały suszōne tōmaty, oregano… i już prawie bōło fertich5.

Co potrza?

1 kula szinki

gŏrść6 suszōnych tōmatōw (jŏ miołech take blank7 suche, a niy te we oleju, choć mogecie tyż dać take)

pŏra łyżek octu balsamicznego

cebula

trocha oliwy (2-3 łeżki) i masła (1 łeżka dlo smaku)

łeżeczka oregano

sōl i pieprz

Podpiyczcie szinka na tyglu8– jak mŏcie taki niyprziwiyrajōncy, to nawet mogecie jōm przipiyc na suchym abo dejcie yno trocha masła klarowanego. Niyskorzyj wciepcie do brytfanki cebula, tōmaty, oregano, sōl, pieprz, ocet, oliwa, masło, 1/4 szklōnki wody i ta leko przibrōnŏcōnŏ9 szinka. Niech sie tera ta naszŏ świnia powarzi10 na małym ôgniu bez 2-3 godziny (brytfanka przikryjcie pokrywkōm). Pamiyntejcie, żeby jōm tyż przewrōcić na drugŏ strōna. Jak już miyso bydzie miynke, to je wyciōngcie11 ze gorka, zblyndujcie zōłza i sprōbujcie jōm trocha odparować (niech sie powarzi bez przikrycia). Pokrejcie miyso, dejcie je jeszcze na chwila do brytfanki i mogecie sie rychtować do jedzynia. Smacznego 🙂

1Włoszech

2robią

3Włosi

4wymyślanie

5gotowe

6garść

7całkiem

8patelnia

9przypieczoną

10pogotuje

11wyjmijcie

Please follow and like us:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*