Nolywka ze lipy (Nalewka z kwiatów lipy)

Za starego piyrwyj¹ lipa kwitła we lipcu, terŏzki niyrŏz zrobi nōm wic² i zakwitnie nawet we maju. W tym roku nawet udoło ji sie zahaczyć ô lipiec 😉
Uwielbiōm łajzić³ przi alejach lipowych, bo to sie czowiek moge richtich fajnie dychnōńć. Tyj⁴ ze lipy znōmy, to terozki czas na nolywka.

Co potrza?

litrowoł krauza⁵ kwiołtkōw ze lipy

2 szklōnki gorzołki⁶

0,5 szklōnki szpyrytusu

1,5 szklōnki wody

2 łeżki miodu

Pozbiyrejcie kwiŏtki ze lipy- pamiyntejcie, że tyn taki jasny listek tyż nŏleży do tego kwiŏtka. Mogecie je leko opōkać wodōm, chyba że pryndzyj zrobiōł to dyszcz, Potyn wciepcie je do krauzy i zalyjcie wymiyszanōm gorzołkōm ze szpyrytusym. Tera trza ô nich zapōmnieć, a jak Wōm sie za pŏra tydni spōmni⁷, to slyjcie te procynty do jaki flaszki, kwiŏtki wciepcie do gorka, zalyjcie wodōm i niech sie to trocha powarzi (choć nojlepi bez wrzynia, żeby niy pouciekały inksze skłŏdniki).

A jak to wszyjsko ochōdnie, przecedźcie tyn wywar, pomiyszejcie ze tymi zlōnymi procyntami, dejcie tam miōd i zajś trza by to odstawić, żeby sie przegryzło 😉 A potyn już yno… prost! 🙂