Uwielbiōm szinki ze Italiji1, ale jakosik ta bresaula2 bōła dlō mie ździebko3 za intynsywnŏ we smaku- do czasu, jak żech trefiōł jedna Italijŏczka4 i ta mi dopiyro wyklarowała5, jako jōm trza jejś. Szło by pedzieć, że to take carpaccio, yno ze dojrzałego miysa, ale tyn smak… aże mi żołōndek sie śmieje 😉
Co potrza?
bresaula- wszyjsko załeży ôd tego, wiela ludzi bydzie siedzieć przi stole, ale na jedna forszpajza, to by tak trza aby 5 szajbōw6 na osoba
rucola- poła gorści na talyrzyk
oliwa
sok ze citrōłny7
parmezan- nojlepi we szajbach abo taki, kery sami zetrzecie
ździebko soli i korzyni (pieprzu)
Na talyrzik przidzie rucola, potyn bresaula, polyjcie jōm oliwōm, sokym, dejcie trocha soli, korzyni i na sōm wiyrch parmezan… Wasz bezuch8 bydzie na zicher9 zadowolōny 😉 Smacznego 🙂
1Włoch
2dojrzewająca polędwica wołowa
3trochę
4Włoszkę
5wytłumaczyła
6plastrów
7cytryny
8goście
9na pewno
