Szałołt ze pieczōnego bakłażana (Sałatka z pieczonym bakłażanem)




Zajś1 mie2 wziyno3 na te gruzińske klimaty. Choć tak po prołwdzie4, to tyn szałołt zrobiōłech5 do kury we ôrzechwyj zōłzie6 http://chopwkuchni.pl/?p=1185 i cuzamyn7 smakowało to richtich8 idealnie. Pieczōne bakłażany i papryka, a do tego surowe tōmaty9 i kans10 zielōw11 moge nawet ze prostego pieczōnego miysa abo ryby zrobić eleganckoł biysiada.

Co potrza?

1 kg bakłażana

1 kg tōmatōw

2 żōłte papryki

2-3 zōmbki czosku

1 czerwōnoł cebula abo szalotka (ale ta wiynkszoł)

łeżka ôctu balsamicznego

poła12 łeżeczki cukru

mały pynczek13 koperku

mały pynczek natki pietruszki

1/3 szklōnki ôleju rzepakowego

4-5 łeżek oliwy

sōl i pieprz

Bakłażana pokrejcie14 w kostka i posujcie15 solōm. Za jake 20 minut mogecie go opōkać16 i wciepnōńć17 na posmarowanoł ôlejym patelnia. Jak już sie leko przibrōnołci18, to baje19 dobry. Ze paprykōm zrōbcie to samo. Cebula tyż pokrejcie we kosteczka i na chwila zamarynujcie ôctym- mogecie do tego wciepnōńć trocha cukru. Koperek i pieruszka zmiksujcie ze ôlejym, oliwōm i jednōm małōm tōmatōm na jednolitoł zōłza. Dosmakujcie20 jōm solōm i pieprzym. Tōmaty ôbiercie ze skōry (nojprzōd nojlepi je zalołć21 na chwila wrzōntkym) i pokrajcie. Wszyjske składniki wczajście22 do jaki srogyj23 miski, wymiyszejcie i smacznego 🙂

1znów

2mnie

3wzięło

4naprawdę

5ō- samogłoska w wymowie między o i u

6sosie

7razem

8naprawdę

9pomidory

10dużo

11ziół

12pół

13pęczek

14pokrójcie

15posypcie

16opłukać

17wrzucić

18przypiecze

19będzie

20doprawcie

21zalać

22wrzućcie

23dużej




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*