Co potrza?
pynczek szparglu- biołego abo zielōnego
(ale jak mołcie w dōma karlusa[1], co sie lubi pojejś, to taki pynczek-500g- to łon wciōngnie sōm, to sie lepi[2] kupcie dwa)
wyndzony łosoś- joł tam nie wia[3], wiela Wy zjycie, mie i moji Babie[4] stykło 150 g
Zōłza holynderskoł
¼ kostki masła
2 żōłtka
sok ze ćwierci citrōłny
sōl i pieprz
Tyn bioły szpargel to niystety trzeba łobrać- łostrugać takōm strugaczkōm do warzyw- i łobeżnōńć kōńcōwka, bo łona je niyroz[5] twardoł jak dżewo[6]. Ale tego łebka niy łobiyrejcie! Niyrozki to trza wyciepnōńć i 1/3 szpargla. Jak fto lubi szporować[7], to mu sie wtedy serce łomie, ale co zrobić, jak trza, to trza. A te łobiyranie to je takoł pierōńskoł robota, że jak niy mołcie ciyrpliwości, to sie wejście tyn zielony szpargel. Łōnego to sie yno myje, potym sie go kołżdego łosobno przeginoł i jak pynknie[8], to ta czyńść łod gōwki[9] łostołwiołcie, a tyn rest raus[10]. Jak niy mołcie takego specjalego garca do warzynia szparglu, to musicie go powiōnzać- niciōm abo jakōm dratwōm[11]. Warzi sie go tak barzi[12] na parze, do garca nalyjcie trocha wody i jak sie już baje warzić[13], to postołwcie tam tyn szpargel. Tyn zielōny to sie musi warzić tak dziejsiyńć minut, a tyn bioły to z piytnołście.
Jak go tam wsadzicie, to szybko sie zrōbcie ta zōłza. Z umytych jajcōw- nojlepi to je nawet leko sparzić wodōm- do miski sie dejcie te 2 żōłtka, a te biōłko to sie wciepcie na patelnia, bo co sie moł zmarnować. Wyciście cytryna, dejcie sōl i pieprz i miksujcie. Wlywejcie rozpuszczōne masło i dali miksujcie. Nojlepi to na trocha dać ta miska na garniec z warzōncōm sie wodōm, to sie to jeszcze fajni ubije na ty parze. I fertich.[14]
Wciepcie to wszystko na talyrz- niy musicie sie tak bawić, jak joł na tym zdjyńciu- łoblyjcie tōm zōłzōm i smacznego:)
[1] faceta
[2] lepiej
[3] ja tam nie wiem
[4] Żonie
[5] czasem
[6] drewno
[7] oszczędzać
[8] pęknie
[9] główki
[10] resztę wyrzucamy
[11] sznurkiem
[12] bardziej
[13] gotować
[14] gotowe
Dodaj komentarz