Szpajza citrōłnowoł ( polskiej nazwy brak ;) )

Mōmy[1] miejsiōnc maj, a w maju- tak dzisiej, jak i dołwniyj[2]– na Ślōnsku bōły kōmunie. A jak już sie komu trefiōł taki fajer[3], to musiała być na nim i szpajza[4]. I to niy jedna, yno połra zortōw[5]. Żeby sie dowiedzieć, jakoby tu narychtować[6] tako szpajza, spytoł żech sie kucharki, co to w swoim życiu- na weselach i komunijach- wyżywiōła połra tysiyncy ludzi. Pani Truda zdradziōła mi tyn sekret, a joł- jak jako papla[7]– puszczōm go w świat.

Tak po prołwdzie[8], to mōm przepisy na 3 roztomajte[9] szpajzy, ale sie trocha pochamia[10] i na razie dōm Wōm yno jedyn- niy bōjcie sie, nastympne przidōm późni.[11]

 

Co potrza?

 

4 jajca (jakbyjście tak chcieli do ty[12] szpajzy dać nojtōńsze jajce ze sklepu, to sie lepi dejcie z niōm pokōj[13])

4 łeżki cukru

3 łyżeczki żelatyny (rozpuśćcie je  we uwarzōnyj wodzie- ale niy lyjcie ji[14] za dużo, styknie połra łeżek)

skōrka otartoł z jednyj citrōłny[15]

sok z tyj citrōłny

 

Nojprzōd umyjcie sie te jajca. Joł tam lubia je jeszcze tak gichnōńć[16] wrzōntkym- żebyjście sie tam potyn łod tych surowych jajcōw czego niy nabawiyli. Terozki łoddzielcie biōłka łod żōłtek.

Pani Truda pedziała[17], żeby nojprzōd ubić z cykrym te żōłtka, potyn tam dać ta skōrka, sok i żelatyna, a na sōm kōniec ubite biołka.

Joł żech kedyjś tyż to tak robiōł i  bōło dobre. Ale terozki chciołech sie sprōbować czego inkszego- niyrozki tak mie kusi;)

Nojprzōd ubiōłech biołka ze cukrym, potyn żōłtka, skōrka, sok i żelatyna i za chwila bōło fertich[18]. Yno żebyjście tam tego tak niy gichli wszyskego na rołz[19], wejście sie to po leku[20] i po kołżdym składniku dobrze to rozmiyszejcie- ale niy za wartko, żeby nōm ta piana niy klapła.

Terozki wsadźcie to do lodōwki, poczekejcie aż stwardnie i…Smacznego:)

 

Te smacznego na zdjyńciu to je ze kichyngarnitury[21] łod moji Ōłmy. Dołwniyj take cojś wisiało we kołżdyj kuchni na ścianie, ale terozki mōmy inksze czasy i kichyngarnitury leżōm we szranku.[22]

 

 

[1] „ō” samogłoska w wymowie między „o”a „u”

[2] dawniej

[3] uroczystość

[4] śląski deser

[5] rodzajów

[6] przygotować

[7] plotkarz

[8] naprawdę

[9] różne

[10] będę skąpy

[11] następne pojawią się później

[12] tej

[13] proszę sobie ją odpuścić

[14] jej

[15] cytryny

[16] oblać

[17] powiedziała

[18] gotowe

[19] na raz

[20] powoli

[21] makatka kuchenna

[22] szafie

Szpajza citrołnowo

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




4 Komentarze

  1. Chopie! Jo kedyś miyszkoł tam kaj Ty yno przy Siedleckiej…Moj fater we sobota przedy mojom komunijom wloz szłapom do szpajzy…we laubie stała, łon piwko szukoł, a ćma już boło… 😉 a mocka Cie pozdrawiom!

Dodaj komentarz

Twój adres email nie zostanie opublikowany.


*