Kura we sezamowym mantlu (Kurczak w sezamowym płaszczu)




Kej1 Wōm sie zdo, że niy ma ajnfachowych2 receptōw3, ze kerych4 wyńdzie5 elegancke danie, to joł Wōm powia, że sōm i ten sam6 tyż taki właśnie je. Połra minut i mogecie zaskoczyć swōj bezuch7 delikatnym smakym kury i sezamu.

Co potrza?

1 kg piersi ze kury

10 dkg sezamu

1 jajco

sōl i pieprz

olyj do smażynia

trocha soku ze citrōłny8

Kura pokrejcie9 na mańsze10 kōnski11, posōlcie i popieprzcie, jajco łozfyrlejcie12 we jakim talyrzu (mogecie do niego kapnōńć trocha mlyka), na drugi talyrz wysujcie13 sezam- niy dołwejcie zaroz całego, bo możno niy wszyjsko użyjecie, a jak już bydzie zmaraszōny14 jajcym, to go przeca15 niy skludzicie16 do szranku17. Łozgrzyjcie18 na patelni olyj, kura tōnknijcie19 we jajcu, potyn pokulejcie20 we sezamie (nojlepi robić to dwōma widołkami21, bo sie tak niy pomarasicie palcōw) i do smażynia. Jak sie fajnie przibrōnołci22, to jōm przełōżcie na talyrz, kapnijcie na ta kura trocha citrōłny i fertich23.

Tako kura bydzie idealno do jakego szałołtu24 abo i uwarzōnych kartołfli25, abo pure.

Smacznego 🙂

 

1gdyby

2prostych

3przepisōw

4których

5wyjdzie

6tutaj

7gości

8cytryny

9pokrójcie

10mniejsze

11kawałki

12roztrzepcie

13wysypcie

14zabrudzony

15przecież

16schowacie

17szafy

18rozgrzejcie

19zamoczcie, obtoczcie

20obtoczcie

21widelcami

22przypiecze

23gotowe

24sałatki

25ugotowanych ziemniaków




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*