Krewetki ze szpinatym (Krewetki ze szpinakiem)

Szło by pedzieć1, że to sōm2 take krewetki choby3 po grecku, bo wciep4 żech tam tyż trocha fety. Z krewetkōma niy ma kans5 roboty, a do tego jeszcze sōm zdrowe. A szpinat… dlo niyftorych6 bajtli7 to taki trocha bebok8 i joł tyż musza pedzieć, że jak żech go kedyjś na jakyj stołōwce dostoł, to do dzisiaj pamiyntōm, że bōł źle zrobiōny- kuchara powinna dostać szmary9 😉 A styknie dać do niego trocha czosku, może soku ze citrōłny10 i już je richtich11 dobry. Joł sam godōm o szpinacie- liściach, a niy tych zamrożōnych dechach, potym na talyrzu widać fajnie zblanszowane liście, a niy zielōny maras12 😉

Co potrza?

300 g liści szpinatu baby

400 g krewetkōw- nojlepi ôbranych

1 czerwōnoł cebula

1-2 zōmbki czosku

połra łeżek oliwy

150 g fety

keliszek biołego wina (pó wytrawnego abo wytrawnego)

Na oliwie (joł żech doł takoł ze suszōnymi prawdziwkōmi- to dopiyro fajnie wōniało13) we jakim wiynkszym gorku zeszklijcie cebula i dejcie14 tam tyż czosnek. Wlyjcie do tego wino i niech ône trocha ôdparuje. Dociepcie krewetki i niech sie połra minut powarzōm. Na kōniec przidzie pokruszōnoł feta, pieprz i szpinat. Jak ôn sie yno15 leko zblanszuje, to mogecie wciepować nasze danie na talyrz i brać sie za jedzynie. Do tego kōnsek16 dobryj bōłki abo chleba i … smacznego 🙂

1powiedzieć

2są; ō- samogłoska w wymowie między o i u

3jakby

4wrzuciłem

5dużo

6niektórych

7dzieci

8potwór

9lanie

10cytryny

11naprawdę

12błoto

13pachniało

14dajcie

15tylko

16kawałek

Sam tyż mogecie mie znojś:
Kej lubicie ôbrŏzki
Sam znojdziesz moje filmy
Sam znojdziesz moje filmy
Jak lubisz ćwiyrkać, to sam wlyjź
Visit Us
Follow Me
Dastaniecie mejla ze nowymi receptami
RSS




Bądź pierwszy, który skomentuje ten wpis!

Dodaj komentarz

Twój adres email nie zostanie opublikowany.


*