Majs ze wōsztym (Kukurydza z kiełbasą)

Nojlepsze sōm1 te proste dania, we kerych2 mōmy trzi podstawowe składniki i kołży3 smak moł szansa sie poasić4. Te danie je tak ajnfachowe5, że żech sie nawet myśloł, że to możno je i za mało wynołkwiōne6 jak na Chopa w kuchni, ale tyn smak bōł tak dobry, że musza sam tyn recept7 wciepnōńć8.

Co potrza?

2-3 kolby majsu

300 g biołego wōsztu (moge być taki jak na grilla)

100 g nudli9 (joł żech mioł japōńske nudle soba- ze mōnkōm gryczanōm, ale mogecie sie sam wziōńć i ajnfachowe nudle do spagetti abo take do łazankōw)

1 cebula

łeżka masła

sōl i pieprz

Majs uwarzcie10 – abo kupcie sie taki uwarzōny, ale niy ze puszki, bo tyn moł inkszy11 smak. Nudle tyż uwarzcie- chyba, że tak jak mie ôstało12 Wōm trocha ze wczoraj 😉 Pokrejcie13 wōszt na małe kōnski14 i przipiyczcie na patelni. Jak już bydzie fajnie przibrōnołcōny15, to dociepcie16 do niego pokrajanoł cebula. Ôd kolby majsu ustawiōnyj piōnowo ôdkrowejcie17 nożym ziorka, kere sie bydōm18 ukłołdać19 we take fajne szajby20. Jak już cebula sie zeszkli, to dociepcie na patelnia majs, dejcie tam łeżka masła dosmakujcie solōm i pieprzym, i już po robocie. Tera już yno ôstało Wōm „pucowanie21” talyrzōw 😉 Smacznego 🙂

1są; ō- samogłoska w wymowie między o i u

2których

3każdy

4pochwalić

5proste

6wymyślne

7przepis

8wrzucić

9makaronu

10ugotujcie

11inny

12zostało

13pokrójcie

14kawałki

15przypieczony

16dorzućcie

17odcinajcie

18będą

19układać

20plastry

21„czyszczenie”

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *