Abgeryjta ze Paniōwek (Babka z Paniówek)

Zarozki1 na poczōntku2 Wōm powiym, że we mianie3 niy idzie ô4 nazwa składnika, ale wiejś ze keryj5 żech tyn recept6 dostoł7. Kamrat8 ôd moji Mutry9 mi padoł10, że tam majōm nojfajniyjesze abgeryjty i do tego jeszcze spaczoł11 mi na nie recept. Joł żech musioł tyż troszka pozmiyniać i nawciepowoł12 żech tam bakaliōw richtich13 na bogato, […]

Buchty (Kluski na parze)

Jak sie tak spōmna1, jake bōło2 moje ulubiōne jedzynie za bajtla3, to na zicher4 bōły to buchty u ōłmy5 Albiny, a dō nich zawsze bōł tyż kōmpot ze jagodōw. Moja Muter ich niy robiōła, bo padała6, że rołz zrobiōła i jyj niy wyszło i już jakosik tak przestała prōbować. Mie7 sie na te buchty zbiyrało […]

Syrnik koko-wiśnia (Sernik kokosowo- wiśniowy)

Piyrsze1 skojarzynie ze koko to je kura i po prołwdzie2 tyn syrnik tyż ze kurōma3 moł4 co wspōlnego, bo dołwo5 sie rajn6 ôziym7 jajec. Te inksze8 znaczynie koko- dzisiaj może by my to napisali coco- wiedzie nołs do kōłkōsraszpli9. Sōm10 ludzie co ich niy ciyrpiōm, sōm take co sie zarozki11 na nie ciepnōm12 i sōm […]

Kreple (Pączki)

Tych nadziywanych krepli to żech jeszcze niy robiōł1 (abo jak żech robiōł za bajtla, to już niy pamiyntōm), a że joł lubia eksperymynty, to żech sie za nie wziōn. Jak już czowiek robi kreple, to wiadōmo, że bydzie ich kans2, to tyż trza zawołać kogojś do pomocy przi jedzyniu. Chciołech zrobić je yno ze pó […]

Abgeryjta ze baniōm (Babka dyniowa)

Eksperymynty ze roztomajtymi abgeryjtami ze baniōm1 robiōłech bez połra dni, wyszło z tego jedne ciasto bezglutynowe, druge… trocha mani2 udane, ale za to te trzecie, ô3 ftorym sam byda pisoł, to je richtich4 cojsik do pomaszkycynia5. Moja Ōłma6 za starego piyrwy7 robiōła ze bani kōmpot (za bajtla8 mie ôn tak za kans9 niy smakowoł), dołwała10 […]

Drożdżowe Hydraulika  (i wszystko jasne ;) )

A z tym drożdżowym to bōło tak: prziszoł rołz1 hydraulik sprawdzić instalacja i jak łobejrzoł pustoł blacha, to jakosik my sie dali do gołdki2 ło pieczyniu. I łon tu narozki padoł3, że moł taki recept4 na drożdżowe, co to jego „babcia robiła 100 lat przed wojną”- pedzioł tak, bo to bōł hadziaj5, ale że recept […]

Babka ze starego receptu (Kobieta ze… chyba się zagalopowałem w tych tłumaczeniach ;) )

Już 2 tydnie1 tymu spominoł2 żech sam3 ło staryj ksiōnżce,4 co mi jōm5 pożyczała kōmratka6 łod moji Mutry.7 Driny8 we tyj ksiōnżce bōła tako trocha mańszo,9 kero10 niy miała umszlagu11 i bez to ciynżko bōło12 pedzieć,13 co to za jedna. We receptach14 bōł ale wypisany proszek do pieczynioł jednyj staryj firmy, co to do dzisiej […]

Pierniki (na północ i wschód od Śląska występują pod taką samą nazwą ;)

Roztomajte mōndre1 ludzie sie spiyrajōm,2 fto3 wynalołz pierniki. Joł tam to smola4 i wia yno,5 że tyn recept6 dała moji Mutrze7 pani Truda, a ta zajś dostała go ze 40 lołt8 tymu łod jaki kōmratki we robocie, a łod kogo ta go miała, to już wiy tera yno sōm Pōn Bōczek. Przez lata piykła9 je […]